SUMQAYIT KİMYAÇILARI YÜKSƏK SÜRƏTLƏ ÇALIŞIRLAR

16.06.2004 [19:14]
Çap et
A⁺ A^-

Sumqayıtın “Etilen-polietilen” zavodunun kollektivi birinci yarımili yüksək texniki-iqtisadi göstəricilərlə başa çatdırır. AZƏRTAC-ın müxbiri xəbər verir ki, ilin əvvəlindən dörd göstərici üzrə proqnoz tapşırıqları 101 faizədək yerinə yetirilmişdir. Bunda “EP 300” İstehsalat Birliyi kollektivinin əməyi az olmamışdır. Burada 670 fəhlə çalışır. Onların səyi ilə 20 tondan çox etilen, 11 ton propilen, 7700 ton butilen-divinil fraksiyası, 20 tondan çox piroliz qətranı istehsal edilmişdir.

Müəssisədə çalışan mütəxəssislərin fikrincə, bu istehsalatın uğurlu işi bütün zavodun normal fəaliyyətini təmin edir. Odur ki, burada texnoloji proseslərə, xammal və materialların qənaətlə işlədilməsinə ciddi nəzarət olunur. Görülmüş texniki tədbirlər nəticəsində ilin əvvəlindən 2 tondan artıq əsas xammala qənaət olunmuş, iki soba və bir neçə növ avadanlıq təmir edilmişdir.

SUMQAYIT KİMYAÇILARI YÜKSƏK SÜRƏTLƏ ÇALIŞIRLAR

MÜƏLLİFLƏ ƏLAQƏ

Bölmənin digər xəbərləri