SUMQAYITDA XOCALI SOYQIRIMI QURBANLARININ XATİRƏSİNİ YAD ETMİŞLƏR
Şəhər icra hakimiyyətinin başçısı Vaqif Əliyev çıxışında bildirdi ki, 1992-ci il fevralın 25-dən 26-na keçən gecə Xocalının dinc sakinlərinin vəhşicəsinə qətlə yetirilməsi Azərbaycan xalqına qarşı əsl soyqırımı faktıdır. O vurğuladı ki, Xocalı faciəsi erməni separatçılarının azərbaycanlılara qarşı müxtəlif vaxtlarda törətdikləri vəhşiliklərdən biridir. Sonra V.Əliyev öz rəhmsizliyi, qəddarlığı, vəhşiliyi ilə bəşər tarixində bərabəri olmayan erməni terrorçularının qanlı siyasəti barədə ətraflı danışdı.
Görüşdə çıxış edən xocalılılar unudulmaz Prezidentimiz Heydər Əliyevin onların problemlərinə daim qayğı göstərdiyini minnətdarlıqla xatırladılar. Onlar bildirdilər ki, bütün bu on iki ili diqqət və qayğı ilə əhatə olunmuşlar.
Sumqayıtda müvəqqəti məskunlaşmış 42 xocalılı ailəyə maddi yardım göstərilmişdir.
Bölmənin digər xəbərləri
