İQTİSADİYYAT
SUMQAYITDA YAŞAYIŞ BİNALARININ TEXNİKİ VƏZİYYƏTİNƏ NƏZARƏT EDİLİR
AZƏRTAC xəbər verir ki, Sumqayıt Şəhər İcra Hakimiyyəti yanında yaradılan xüsusi komissiya şəhərin yaşayış fonduna daxil olan 1300 evin texniki ekspertizasını keçirmişdir. Monitorinqin yekunlarına əsasən müəyyənləşdirilmişdir ki, qəza vəziyyətində olan 20 evin əsaslı təmirə ehtiyacı var.
Vaxtında görülən tədbir nəticəsində qəza vəziyyətində olan iki yaşayış binası ətrafında yaranan ciddi narahatlığa son qoyulmuşdur. Ötən il bu siyahıdakı 10-dan artıq ev əsaslı təmir olunmuşdur. Daha dörd binanın təmiri planlaşdırılmışdır. İki uşaq bağçasının və liseyin əsaslı təmiri üçün smeta sənədləri hazırlanır. Şəhər icra hakimiyyəti qəza vəziyyətində olan bütün yaşayış binalarının əsaslı təmirini bu il başa çatdırmaq niyyətindədir.