Suraxanı rayonunda mağazalardan pul və ərzaq məhsulları oğurlayan dəstə üzvləri tutulublar
Bakı, 13 fevral, AZƏRTAC
Yanvarın 30-da Suraxanı rayonu ərazisindəki mağazaların birindən 200 manat və ərzaq məhsulları oğurlamaqda şübhəli bilinən Bakı şəhər sakinləri M.Əsgərov, S.Mustafayev və əvvəllər məhkum olunmuşlar - S.Ağayev və B.Əmirov Rayon Polis İdarəsinin 32-ci polis bölməsi əməkdaşlarının keçirdikləri əməliyyat-axtarış tədbirləri nəticəsində saxlanılıblar.
Daxili İşlər Nazirliyinin mətbuat xidmətindən AZƏRTAC-a bildiriblər ki, ətraflarında aparılmış tədbirlərlə onların daha iki mağazadan 150 manat pul, ərzaq məhsulları və tütün məmulatı oğurlamaları da müəyyənləşib.
Faktla bağlı araşdırmalar davam etdirilir.
Bölmənin digər xəbərləri
