Suriyada məsciddə partlayış nəticəsində ölənlərin sayı artıb
Qahirə, 27 dekabr, AZƏRTAC
Suriyanın Homs şəhərində məsciddə baş verən partlayış nəticəsində azı 8 nəfər ölüb, 18 nəfər yaralanıb.
AZƏRTAC yerli mediaya istinadla xəbər verir ki, hadisə ələvilərin sıx məskunlaşdığı rayonda yerləşən məsciddə baş verib. Bu, ölkədə keçid hakimiyyəti qurulandan sonra ibadət məkanında baş verən ikinci partlayışdır. Bundan əvvəl, iyunda Dəməşqin bir kilsəsində intihar partlayışı nəticəsində 25 şəxs ölmüşdü.
Suriyanın daxili işlər naziri Ənəs Xəttab partlayışın arxasında duranların tezliklə tapılıb ədalət mühakiməsinə çıxarılacağını vəd edib. Bildirib ki, bu hadisə Suriyada təhlükəsizlik və sabitliyi sarsıtmaq məqsədi güdür.
Şıxəli Əliyev
AZƏRTAC-ın xüsusi müxbiri
Qahirə
Bölmənin digər xəbərləri
