Tacikistanda poliomielitin yayılması ilə bağlı fövqəladə vəziyyət elan edilib
Düşənbə, 24 mart, AZƏRTAC
Dünya Səhiyyə Təşkilatı Tacikistanda poliomielitin yayılması ilə bağlı fövqəladə vəziyyət elan edib.
AZƏRTAC Tacikistan mətbuatına istinadla xəbər verir ki, bu xəstəlik 2020-ci il noyabrın 22-də ölkənin Xatlon vilayətində bir uşaqda qeydə alınıb. Sonra fevral ayının əvvəllərində Xatlon vilayətində başqa bir uşaqda aşkar edilib. Martın 18-də daha dörd uşaqda və onların qohumlarında xəstəlik təsdiq olunub.
Məlumatda bildirilib ki, qonşu Əfqanıstanda və Pakistanda poliomielitə çox rast gəlinib. Qeyd edilib ki, xəstəlik Əfqanıstanın Tacikistan, Özbəkistan və Türkmənistanla həmsərhəd rayonlarında daha geniş yayılıb.
Xatırladaq ki, bu, keçici xəstəlikdir və uşaqların onurğa sütununu iflic edir.
Qulu Kəngərli
AZƏRTAC-ın xüsusi müxbiri
Düşənbə
Bölmənin digər xəbərləri
