Taekvondo üzrə məşqçi-müəllimlər üçün seminar təşkil olunacaq
Bakı, 19 oktyabr, AZƏRTAC
Oktyabrın 25-27-də taekvondo üzrə məşqçi-müəllimlər üçün seminar təşkil olunacaq.
AZƏRTAC xəbər verir ki, onlayn formatda keçiriləcək seminar Azərbaycan Taekvondo Federasiyasının vitse-prezidenti Nağı Səfərov, texniki direktor Oh Kvanq Çeolun rəhbərliyi ilə Etibar İbrahimov, Ramal Camalov, Ələkbər İmaməliyev, Məmməd Abdullayev, Səbuhi Zülfüqarov, Elnur Amanov və Gündüz Abdullayev tərəfindən təşkil ediləcək.
Seminarın ilk günü iştirakçıları Etibar İbrahimov və Ramal Camalov poomse, sonrakı gündə Ələkbər İmaməliyev, Məmməd Abdullayev, Səbuhi Zülfüqarov və Elnur Amanov döyüş qaydaları, üçüncü gün isə Gündüz Abdullayev hakimlik qaydaları ilə tanış edəcək.
Bölmənin digər xəbərləri
