Tailand və Kamboca atəşkəs barədə sənəd imzalayıb
Pekin, 27 dekabr, AZƏRTAC
Tailand və Kamboca arasında atəşkəs barədə sənəd imzalanıb.
AZƏRTAC xəbər verir ki, sənəd ortaq sərhəd komitəsinin 3-cü xüsusi görüşünün yekununda imzalanıb. Tailandın Çanthaburi və Kambocanın Pailin əyalətləri arasındakı sərhəd-keçid məntəqəsində baş tutan görüşdə Kamboca heyətinə Baş nazirin müavini, milli müdafiə naziri Tea Seiha, Tailand heyətinə isə müdafiə naziri Nattaphon Narkphanit başçılıq edib. Görüş ASEAN müşahidə qrupunun iştirakı ilə baş tutub.
Qeyd edək ki, dekabrın 7-də Tailand-Kamboca sərhədində silahlı toqquşmalar başlayıb. Hər iki tərəfdən həm hərbçilər, həm də mülki şəxslər arasında ölən və xəsarət alanlar var. Sərhədboyu ərazilərdən 100 minlərlə sakin təxliyə edilib.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
