Tailandda məktəbə silahlı hücum: müəllim və şagirdlər girov götürülüb
Bakı, 11 fevral, AZƏRTAC
Tailandın Hat Yay rayonunda yerləşən məktəbə silahlı hücum edilib. Hadisə nəticəsində müəllim və şagirdlər arasında yaralananların olduğu bildirilir, lakin dəqiq say açıqlanmayıb.
AZƏRTAC Tailand mediasına istinadla xəbər verir ki, silahlı şəxs dərs gününün sonuna yaxın binaya daxil olaraq atəş açıb. O, atışmadan sonra bəzi müəllim və şagirdləri girov götürüb, bir çox şagird isə məktəb binasında köməksiz vəziyyətdə qalıb.
Hadisə yerinə polis, xüsusi təyinatlı qüvvələr və xilasedicilər cəlb olunub. Təhlükəsiz ərazilərdə olan şəxslər təxliyə edilir, hücum edən şəxslə danışıqlar aparılır. Hazırda ərazidə əməliyyat davam edir.
Bölmənin digər xəbərləri
