Tanınmış alim Suriyanın yeni parlamentinin spikeri seçilib
Bakı, 13 iyul, AZƏRTAC
Suriyanın yeni formalaşmış parlamenti 2024-cü ilin sonlarında Bəşər Əsəd rejiminin devrilməsindən bəri ölkənin ilk Xalq Məclisinin sədri vəzifəsinə tanınmış hüquqşünas alim və akademik Əbdül Həmid Aqil əl-Əvakı seçib.
AZƏRTAC SANA agentliyinə istinadla xəbər verir ki, Əl-Əvak rəqabətli səsvermə zamanı sayılan 205 səsdən 99-u ilə bu vəzifəyə seçilib. Onun rəqibləri Moayad əl-Qablavi 75 səslə ikinci, Məhəmməd Korc isə 31 səslə üçüncü olub.
Suriyanın yeni parlamentin sədri hüquq və inzibati işlərdə karyerasına başlamazdan əvvəl Hələb Universitetinin Hüquq fakültəsini bitirib və məhkəmə sistemində çalışıb. Vətəndaş müharibəsi zamanı ölkəni tərk etdikdən sonra əl-Əvak Türkiyənin cənub-şərqindəki Mardin şəhərində məskunlaşıb. O, 2016-cı ildən bəri Mardin Artuklu Universitetinin Siyasi elmlər və beynəlxalq münasibətlər fakültəsində professor vəzifəsində çalışıb.
Spikerin akademik fəaliyyəti Suriyanın konstitusion gələcəyinə yönəlib. O, ölkə müxalifətinin Konstitusiya Komitəsinin üzvlərinə təlim keçib, bir neçə siyasi və hüquqi sənədin hazırlanmasına töhfə verib.
Xalq Məclisinin sədri, həmçinin vətəndaş cəmiyyəti təşkilatı olan Sabitliyə Dəstək Bölməsi ilə birlikdə Suriyanın gələcək konstitusiyası və sosial müqaviləsi ilə bağlı yerli icmaların fikirlərini araşdıran nəşrlər üzərində işləyib.
Bölmənin digər xəbərləri
