Tanınmış bəstəkar Arif Mirzəyev Almaniyada konsert proqramı ilə çıxış edəcək
Bakı, 21 iyul, AZƏRTAC
Avqustun 1-də Almaniyanın Darmştat şəhərində tanınmış bəstəkar Arif Mirzəyevin konserti keçiriləcək.
AZƏRTAC xəbər verir ki, Azərbaycan Xalq Cümhuriyyətinin yaranmasının 100 illiyinə həsr olunan konsertdə bəstəkar həm müəllif mahnılarını, həm də alman bəstəkarı İoqan Sebastian Baxın əsərlərini səsləndirəcək.
Qeyd edək ki, uzun müddətdir Avropada yaşayan və fəaliyyət göstərən bəstəkarın əsərlərində Azərbaycan musiqisini əks etdirən motivlər xüsusi ilə seçilir. Arif Mirzəyev Şərq və Qərb mədəniyyətini əsərlərində ən gözəl çalarları ilə nümayiş etdirən bəstəkarlardandır. O, dünyada alman bəstəkarı Baxın musiqiləri üzrə mütəxəssis sayılır.
Bölmənin digər xəbərləri
