TBİLİSİDƏ HEYDƏR ƏLİYEVİN VƏFATININ 40-CI GÜNÜNƏ HƏSR OLUNMUŞ MƏRASİM KEÇİRİLMİŞDİR

19.01.2004 [13:47]
Çap et
A⁺ A^-

Yanvarın 18-də Tbilisinin Cümə məscidində Gürcüstanın Borçalı və azərbaycanlıların məskunlaşdığı digər bölgələrindən gəlmiş nümayəndələrin iştirakı ilə Azərbaycanın görkəmli dövlət və siyasi xadimi, ümummilli liderimiz Heydər Əliyevin vəfatının 40-cı gününə həsr olunmuş mərasim keçirilmişdir.

AZƏRTAC-ın müxbiri xəbər verir ki, məscidin axundu Məşədi Əli mərhumun ruhuna dua oxumuşdur. Mərasimdə çıxış edən natiqlər Heydər Əliyevin Vətən və xalq qarşısında böyük xidmətlərindən, vətəndən kənarda yaşayan azərbaycanlılara qayğısından, milli–mədəni dəyərlərimizin daha da inkişafı yönümündə əvəzsiz xidmətlərindən söhbət açmışlar. Azərbaycan dövlətçiliyinin möhkəmləndirilməsində, beynəlxalq aləmdə onun nüfuzunun yüksəldilməsində Heydər Əliyevin əvəzsiz rolu vurğulanmışdır. Sonra böyük ehsan süfrəsi açılmış, imkansızlara ehsan payı göndərilmişdir.

Gürcüstanın azərbaycanlılar yaşayan bütün kənd və qəsəbələrində də Heydər Əliyevin vəfatının 40-cı günü ilə əlaqədar ehsan verilmişdir.