TDT ilə TÜRKSOY-un bu il üçün nəzərdə tutulan birgə layihələri müzakirə olunub
İstanbul, 4 fevral, Günel Karatepe, AZƏRTAC
Beynəlxalq Türk Mədəniyyəti (TÜRKSOY) və Türk Dövlətləri (TDT) təşkilatlarının Baş katibləri Sultan Raev ilə Kubanıçbek Ömüralıyev bu il üçün nəzərdə tutulan birgə layihələri müzakirə ediblər.
AZƏRTAC xəbər verir ki, bu məqsədlə iki qurumun rəhbəri arasında TDT-nin İstanbuldakı Baş ofisində görüş olub.
TÜRKSOY və TDT-nin birgə məqsədləri istiqamətində keçirilən görüşdə 2025-ci il üçün nəzərdə tutulan mədəni və sənət fəaliyyətləri, birgə layihələr və digər əməkdaşlıq imkanları ətrafında fikir mübadilələri aparılıb.
Baş katib Sultan Raev TÜRKSOY-un Türk dünyasının ortaq mədəni irsini qoruma, tanıtma və gələcək nəsillərə çatdırma missiyasını vurğulayaraq, TDT ilə olan güclü əlaqələrin bu prosesdə böyük əhəmiyyət daşıdığını ifadə edib. Kubanıçbek Ömüralıyev isə TÜRKSOY-un fəaliyyətlərini yüksək qiymətləndirərək, iki təşkilat arasındakı əməkdaşlığın artaraq davam edəcəyinə əminliyini ifadə edib.
Bölmənin digər xəbərləri
