Bakı, 1 aprel, AZƏRTAC

Təhsil İnstitutunun Metodik Dəstək və Peşəkar İnkişaf Mərkəzi təcrübəçi tələbələr üçün təlim və seminarlara başlayıb.

İnstitutdan AZƏRTAC-a bildirilib ki, ilk təlim “Soft Skills” modulu üzrə “Effektiv ünsiyyət” mövzusunda olub. Təlimdə kommunikasiya növləri, ünsiyyət zonası, effektiv kommunikasiyaya mane ola biləcək müxtəlif səbəblər barədə geniş müzakirələr aparılıb və tələbələrin sualları cavablandırılıb.

Qeyd edək ki, Təhsil İnstitutunda təcrübə keçən tələbələrin şəxsi inkişafına dəstək məqsədilə keçirilən təlim və seminarların mütəmadi şəkildə davam etdirilməsi nəzərdə tutulur.