ELM VƏ TƏHSİL
Texniki və texnoloji ixtisas qrupu üzrə qəbul planı 71 faiz artıb
![Texniki və texnoloji ixtisas qrupu üzrə qəbul planı 71 faiz artıb](/files/2020/1/1200x630/1581583320548020090_1200x630.jpg)
Bakı, 13 fevral, AZƏRTAC
Son illərdə texnoloji ixtisaslar üzrə kadr hazırlığına xüsusi önəm verilir. Cari tədris ilində innovasiyaların təşviqinə yönəldilmiş texniki və texnoloji ixtisas qrupu üzrə qəbul planı ötən ilə nisbətən 4,3 faiz artıb.
AZƏRTAC xəbər verir ki, bu fikri Azərbaycan Dövlət İqtisad Universiteti (UNEC) və İqtisadiyyat Nazirliyinin təşkilatçılığı, Təhsil, Nəqliyyat, Rabitə və Yüksək Texnologiyalar nazirlikləri və “Bir kəmər, bir yol” Elm və Texnologiya Alyansının dəstəyi ilə keçirilən “Rəqəmsal iqtisadiyyat: müasir çağırışlar və real imkanlar” mövzusunda beynəlxalq konfransda Təhsil nazirinin müavini İdris İsayev deyib.
O bildirib ki, texniki və texnoloji sahədə təhsil alan tələbələrin sayı 10706 nəfərə çatdırılıb. Dövlət sifarişi əsasında texniki və texnoloji ixtisas qrupu üzrə qəbul planı 71 faiz artıb.