QAN YADDAŞI
Teymur Məmmədov: Xalqımız vahid məfkurə ətrafında birləşərək böyük əzmkarlıq nümayiş etdirib
Bakı, 20 yanvar, Ceyhun Alışlı, AZƏRTAC
20 Yanvar şəhidlərimizin xatirəsini hər zaman qəlbimizdə yaşadırıq.
Ümumxalq Hüzn Günündə Şəhidlər xiyabanını ziyarət edən aktyor Teymur Məmmədov AZƏRTAC-a müsahibəsində bildirib ki, iyirmi yeddi il bundan əvvəl Bakıda törədilən qırğın Azərbaycan xalqının milli azadlıq mübarizəsini boğmaq məqsədi daşısa da, xalqımızın müstəqillik əzmini, azadlıq mübarizəsini qıra bilməyib.
“Xalqımız müstəqillik uğrunda mübarizədə vahid məfkurə ətrafında birləşərək böyük əzmkarlıq nümayiş etdirib. 20 Yanvar faciəsi Azərbaycan xalqının qəhrəmanlıq salnaməsi olmaqla yanaşı, həm də tarixi qürurudur. Öz tarixini unudanların faciələri hər zaman təkrarlanır. Biz bu cür qanlı hadisələrin Azərbaycan tarixində təkrarlanmasına heç vaxt yol verməyəcəyik”, - deyə aktyor qeyd edib.