Tokayev: Qazaxıstan nüfuzlu parlamenti olan prezident respublikasına keçid edir
Astana, 10 fevral, AZƏRTAC
Qazaxıstan birdəfəlik olaraq superprezident idarəetmə formasından imtina edərək güclü, nüfuzlu parlamenti olan prezident respublikasına keçid edir.
AZƏRTAC Akordanın mətbuat xidmətinə istinadla xəbər verir ki, Prezident Kasım-Jomart Tokayev bunu hökumətin genişləndirilmiş iclasında elan edib.
Dövlət başçısı qeyd edib: “Yeni Konstitusiya layihəsində göstərilən müddəalar Qazaxıstanın siyasi sisteminin “güclü prezident - nüfuzlu parlament - hesabatlı hökumət” konsepsiyasına əsaslanan inkişafının ardıcıllığını və məntiqini təsbit edir”.
Tokayevin sözlərinə görə, təklif olunan düzəlişlər təbii olaraq siyasi islahatlar prosesini davam etdirir və 2022-ci il Konstitusiya islahatı da daxil olmaqla son illərin siyasi transformasiyaları ilə birlikdə dövlətin konstitusion əsaslarının tamamilə yenidən qurulmasına ehtiyac yaradır.
“Əsasən, söhbət yeni dövlət idarəetmə sisteminin yaradılmasından gedir. Təklif olunan düzəlişlər səlahiyyətlərin yenidən bölüşdürülməsinə imkan verəcək, yoxlama və tarazlıq sistemində balansı gücləndirəcək və ən əsası, bütün siyasi institutların effektivliyini və dayanıqlığını artıracaq”, - deyə Prezident vurğulayıb.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
