Tokioda Əcnəbilərə Dəstək Mərkəzi açılıb
Tokio, 7 iyul, AZƏRTAC
Yaponiya hökuməti Tokioda bu ölkədə yaşayan əcnəbilər üçün “vahid pəncərə” sistemi üzrə işləyən Əcnəbilərə Dəstək Mərkəzi (FRESC) açıb.
AZƏRTAC xəbər verir ki, FRESC adlanan mərkəz paytaxtın Şincuku rayonunun Yotsuya məntəqəsində fəaliyyətə başlayıb. Burada İmmiqrasiya Xidmət Agentliyi və Yaponiya Hüquq Dəstəyi Mərkəzi kimi hökumət orqanları ilə əməkdaşlıq edən səkkiz təşkilat təmsil olunur.
Ziyarətçiləri qəbul edən mərkəzin əməkdaşları onlara 11 dildə xidmətlər təklif edirlər. Mərkəz, həmçinin yerli administrasiyalara və şirkətlərə əcnəbi işçilər və tələbələr barədə də məlumatlar təqdim edirlər.
Ədliyyə naziri Mori Masako bildirib ki, mərkəz əcnəbi sakinlərin bütün narahatlıqlarına, o cümlədən koronavirus pandemiyası ilə bağlı sorğularına cavab verməyə yardım edəcək.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
