“TOTAL” ŞİRKƏTİ ARDNŞ ÜÇÜN XARİCDƏ KADR HAZIRLIĞI PROQRAMINA QOŞULMUŞDUR
Görüşdə xaricdə kadr hazırlığı sahəsində ARDNŞ və “Total” arasında əməkdaşlığın perspektivləri müzakirə olunmuşdur.
Şirkətdə bu istiqamətdə görülmüş işlər barədə qonağa məlumat verilmiş, xaricdə bakalavr və magistr dərəcəsi alacaq gənclərin Tələbə Qəbulu üzrə Dövlət Komitəsinin xətti ilə seçiləcəyi bildirilmişdir.
Tələbələrin xaricə gələn il göndərilməsinin nəzərdə tutulduğunu deyən ARDNŞ təmsilçisi, Fransa universitetlərinin bu sahədə imkanları ilə maraqlanmışdır. Teri Norman təmsil etdiyi şirkətin ARDNŞ ilə kadr hazırlığı sahəsində əməkdaşlıqda maraqlı olduğunu bildirmişdir. O, Fransa təhsil sistemi barədə ətraflı məlumat vermiş, iyulun 11-də “Total” şirkətinin mütəxəssislərinin bununla əlaqədar ARDNŞ-ə gələrək əhatəli hesabat təqdim edəcəyini vurğulamışdır.
Görüşdə qarşılıqlı maraq doğuran digər məsələlər ətrafında da fikir mübadiləsi aparılmışdır.
Bölmənin digər xəbərləri
