“Toyota” avtomobillərinin yanacaq sistemində ciddi problem aşkarlanıb
Bakı, 3 dekabr, AZƏRTAC
Yaponiyanın “Toyota Motor” şirkəti təmir üçün 570 min avtomobilini Çin bazarından geri çağıracaq.
AZƏRTAC xəbər verir ki, bu barədə “carnewschina.com” saytı məlumat yayıb. Şirkətin bu addımı atmasına səbəb yanacaq sistemindəki nasazlıqdır.
Qeyd olunur ki, 2019-2023-cü illərdə istehsal edilən “Toyota Corolla” avtomobillərində, eləcə də 2018-2022-ci illər dövründə buraxılan “Toyota Highlander” və “Lexus RX”lərdə daxili nöqsan səbəbindən yanacaq nasosunda çatlar əmələ gələ, bu isə yanacağın sızmasına şərait yarada bilər. Xarici alov mənbələri ilə təmasda avtomobilin yanma təhlükəsi yarana bilər.
Yararsız detallar pulsuz dəyişdiriləcək. “Toyota” şirkəti geri çağırılacaq kampaniyaya düşən avtomobillərin sahiblərinə maşınları alov mənbələri yanında saxlamamağı və avtomobillərdən istifadəni məhdudlaşdırmağı tövsiyə ediblər.
Bölmənin digər xəbərləri
