Tramp: Yaxın iki həftə ərzində İranla yekun razılaşmanın əldə olunacağını gözləyirəm
Bakı, 9 iyun, AZƏRTAC
ABŞ Prezidenti Donald Tramp bildirib ki, Vaşinqton yaxın iki həftə ərzində İranla yekun razılaşma əldə olunacağını gözləyir.
AZƏRTAC xəbər verir ki, Tramp bu barədə televiziya mitinqində çıxışı zamanı danışıb.
“Hazırda danışıqlar aparırıq və onlar (iranlılar – red.) çox yaxşı bir razılaşma əldə etmək istəyirlər. Düşünürəm ki, bu prosesdə üstün mövqedəyik. Yaxın iki həftə ərzində yekun nəticə əldə olunacağını gözləyirəm. Bu baş verdikdən sonra neftin qiymətləri də aşağı düşəcək”, – deyə Tramp bildirib.
ABŞ Prezidenti bir daha vurğulayıb ki, Vaşinqtonla əldə ediləcək razılaşma çərçivəsində Tehran nüvə silahı əldə etmək və ya inkişaf etdirmək planlarından imtina edəcək.
Tramp, həmçinin xatırladıb ki, İran limanlarına qarşı tətbiq olunan blokadanın Vaşinqton və Tehran arasında böhranın həlli ilə bağlı yekun razılıq əldə edilənədək qüvvədə qalacaq.
Bölmənin digər xəbərləri
