Trampın bazarı çalxalayan rüsumları səbəbindən bitkoinin dəyəri 100 min dollara kimi düşdü
Bakı, 3 fevral, AZƏRTAC
Bazar ertəsi kriptovalyutanın dəyəri düşüb. Bitkoin üçhəftəlik minimuma çatıb, efir isə sentyabrın əvvəlindən ən aşağı səviyyəyə düşüb. Qlobal ticarət müharibəsinin kabusu sərmayəçiləri riskli aktivlərdən imtinaya məcbur edib.
AZƏRTAC xəbər verir ki, dünyada ən böyük və ən məşhur kriptovalyuta olan bitkoin bazar ertəsi səhər Asiyada 94.476.18 ABŞ dollarına kimi düşüb. Bu isə üçhəftəlik minimum olan 91,441.89 ABŞ dolları səviyyəsinə kimi enməyə yaxındır. Ondan aşağı pillədə olan efirin dəyəri isə 24 faiz düşüb. Bu kriptovalyuta sonuncu dəfə sentyabr ayının əvvəlində düşmüşdü.
“Reuters” yazır ki, həftəsonu ABŞ Prezidenti Donald Tramp Meksika və Kanadaya qarşı 25, Çinə qarşı isə 10 faizlik rüsum tətbiq edib.
ABŞ-ın ən böyük ticarət tərəfdaşları olan Kanada və Meksika təcili cavab tədbirləri görəcəklərinə söz vermişdilər. Çin isə Dünya Ticarət Təşkilatında Trampın rüsum qərarını mübahisələndirəcəyini bəyan etmişdi.
Kriptovalyuta bazarı həftənin sonları da daxil olmaqla, hər gün fəaliyyət göstərir və son zamanlar baş verənlərə həssas reaksiya verir. Sərmayəçilər rüsumların iqtisadi artıma və şirkətlərin gəlirinə mənfi təsir edəcəyindən, hətta inflyasiyaya uğrayacağından narahatdırlar.
Bölmənin digər xəbərləri
