Tsezar Nunez: Milli Onkologiya Mərkəzi ilə əməkdaşlığın ilkin mərhələsindəyik
Bakı, 14 mart, AZƏRTAC
Konfransda üzərində işlədiyimiz ən vacib məsələlərdən biri də Milli Onkologiya Mərkəzi ilə pediatrik onkologiya sahəsində əməkdaşlığın yaradılmasıdır.
Bunu martın 14-də Bakıda onkologiyanın aktual problemlərinə həsr olunmuş beynəlxalq elmi konfransın iştirakçısı, ABŞ-ın MD Anderson Xərçəng Mərkəzinin Pediatriya Klinikasının direktoru Tsezar Nunez AZƏRTAC-a eksklüziv müsahibəsində söyləyib.
Onun sözlərinə görə, bu əməkdaşlıq hər iki tərəf üçün faydalı ola bilər.
“Düşünürəm ki, biz əməkdaşlığın ilkin mərhələsindəyik. İlk olaraq elmi sahələrdə bir-birimizi öyrənməyə çalışacağıq. Akademik səviyyədə bizim əməkdaşlığımız mümkündür”, - deyə Tsezar Nunez bildirib.
Qeyd edək ki, Tsezar Nunez konfransın ilk günündə “Pediatrik onkologiya: keçmişi, indiki vəziyyəti və gələcəyi” mövzusunda məruzə edib. Martın 15-də isə Amerikalı həkim pediatrik limfomaların müalicəsinə dair ən son məlumatlarla bağlı ustad dərsi keçəcək.
Bölmənin digər xəbərləri
