Türkiyə Avropa İttifaqı ilə danışıqlarda müsbət atmosferə ümid edir
Bakı, 28 dekabr, AZƏRTAC
Türkiyə Avropaya inteqrasiya prosesi çərçivəsində Avropa İttifaqı ilə əməkdaşlığı inkişaf etdirməyə çalışır və mövcud fikir ayrılıqlarına baxmayaraq, danışıqlarda müsbət atmosferə ümid edir.
AZƏRTAC xəbər verir ki, bunu Türkiyə Prezidentinin Xarici siyasət və təhlükəsizlik məsələləri üzrə baş müşaviri Akif Çağatay Kılıç “TRT Haber” telekanalına açıqlamasında deyib .
"Biz Gömrük İttifaqı çərçivəsində viza mövzusu, yaşıl enerji, iqlim dəyişikliyi məsələlərində fəal əməkdaşlıq üçün səylər göstəririk. Eyni zamanda, Avropa İttifaqından oyun zamanı qaydaları dəyişməməyi xahiş edirik. Həmçinin İslamofobiya ilə mübarizə məsələsində səsimizi eşitdiririk”, - deyə prezident Rəcəb Tayyib Ərdoğanın baş müşaviri bildirib.
Kılıç Türkiyənin Avropa İttifaqına qəbulunun əleyhdarlarından biri kimi Fransanın keçmiş prezidenti Nikola Sarkozinin adını çəkib. "Türkiyənin tamhüquqlu üzv qəbul edilməsi prosesini pozan da Sarkozi olub. Fransada keçirilən prezident seçkilərindən sonra orada müsbət ab-hava yaranıb, lakin aramızda fikir ayrılıqları da vardır", - deyə Kılıç bildirib.
Bölmənin digər xəbərləri
