Türkiyə Çin vətəndaşları üçün vizanı ləğv edib
Pekin, 1 yanvar, AZƏRTAC
Türkiyə Çin vətəndaşları üçün viza tələbini birtərəfli qaydada ləğv edib.
AZƏRTAC Çin mediasına istinadla xəbər verir ki, yanvarın 2-dən qüvvəyə minəcək qərara əsasən Çin vətəndaşları ümumvətəndaş pasportu ilə turizm və tranzit məqsədilə Türkiyəyə vizasız səyahət edə biləcəklər. Onlar 180 günlük zaman intervalında 90 günədək Türkiyədə qala bilərlər.
Qeyd edək ki, Türkiyəyə səyahət edən xarici turistlər arasında çinlilərin sayında böyük artım var. 2024-cü ildə Türkiyəyə səfər edən Çin turistlərinin sayı əvvəlki illə müqayisədə 65 faiz çoxalaraq 410 min nəfərə çatıb.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
