Türkiyə məktəblərində tədris prosesi başa çatdı
Ankara, 19 iyun, AZƏRTAC
Türkiyədə ibtidai və orta məktəblərdə 2019-2020-ci tədris ilinə dair dərslər başa çatdı. Yeni növ koronavirus (COVID-19) infeksiyası ilə bağlı məktəblərdə kütləvi son zəng tədbirləri keçirilmədi.
AZƏRTAC xəbər verir ki, Türkiyədə dərs ilinin yekun sənədləri şagirdlərə elektron versiya ilə göndəriləcək.
Xatırladaq ki, məktəblər məlum pandemiya ilə bağlı martın 26-dan bağlıdır. Tədris prosesi onlayn davam etdirilib. Ödənişli məktəblərdə vəsaitlərin köçürülməsi imzalanan müqavilələrin şərtlərinə uyğun şəkildə güzəştsiz qaydada başa çatıb. Yalnız nəqliyyat və digər xidmətlərə görə ödənişlər ləğv olunub.
Növbəti dərs ilinin başlanması sentyabrın 7-nə nəzərdə tutulur.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
