Türkiyədə həlak olan 10 yanğınsöndürənin meyiti DNT ekspertizasına verilib
Ankara, 24 iyul, AZƏRTAC
Türkiyənin Eskişehir vilayətində meşə yanğınları ilə mübarizə zamanı həlak olan 10 nəfərin meyiti DNT analizi üçün Ankaraya çatdırılıb.
AZƏRTAC xəbər verir ki, bir gün əvvəl AKUT təşkilatının beş könüllüsü və beş nəfər meşə təsərrüfatı işçisi Eskişehir vilayətinin Seitqazi meşə sahəsində yanğın zonasını tərk edə bilməyib.
Səlahiyyətlilərin bildirdiyinə görə, faciə yanğının güclü külək nəticəsində qəfil istiqamətini dəyişməsindən sonra baş verib.
Həlak olanların cəsədləri əvvəlcə Afyonkarahisar Dövlət Xəstəxanasına, daha sonra paytaxta aparılıb. Ölənlərin şəxsiyyətinin müəyyənləşdirilməsi prosesinin tamamlanmasını gözləyən yanğınsöndürənlərin qohumları və yaxınları Ankaraya gəliblər.
Türkiyənin ədliyyə naziri Yılmaz Tunc bildirib ki, Eskişehir və Afyonkarahisar vilayətlərinin prokurorluqları ölkənin on vətəndaşının ölümü ilə bağlı cinayət işi açıb.
Bu arada, Türkiyə Səhiyyə Nazirliyi meşə yanğını zonasında xəsarət alan 6 nəfərdən 7-sinin xəstəxanalardan evə buraxıldığını, birinin vəziyyətinin ağır olduğunu bildirib.
Ramin Abdullayev
AZƏRTAC-ın xüsusi müxbiri
Ankara
Bölmənin digər xəbərləri
