TÜRKİYƏDƏ NAZİM HİKMƏTİN ANIM GÜNÜ KEÇİRİLMİŞDİR

07.06.2004 [15:41]
Çap et
A⁺ A^-

İyunun 5-də Türkiyənin Eskişəhər vilayətinin Doğançayır rayonunda görkəmli şair Nazim Hikmətin vəfatının 41-ci ildönümü münasibətilə tədbir keçirilmişdir.

AZƏRTAC-ın xüsusi müxbiri xəbər verir ki, mərasimi giriş sözü ilə açan rayon bələdiyyəsinin sədri Kəmal Uluqoca demişdir ki, Nazim Hikmət Moskvada dəfn olunsa da, burada görkəmli şairin rəmzi məzarı və heykəli qoyulmuşdur. Nazim Hikmətin şer kitabları 60 dilə tərcümə olunmuşdur və o, bütün dünyada böyük türk şairi kimi tanınır.

Xatirə tədbirində Nazim Hikmətin şerləri və onun sözlərinə bəstələnmiş mahnılar səsləndirilmiş, şairin həyatını əks etdirən foto-ekspozisiya nümayiş etdirilmişdir.

Tədbirdə Türkiyənin tanınmış elm, ədəbiyyat və incəsənət xadimləri iştirak etmişlər.