Türkiyədə son 23 ildə idmançıların sayı 63 dəfədən çox artıb
İzmir, 7 sentyabr, Günel Karatepe, AZƏRTAC
Türkiyədə idman sahəsi son illərdə tarixi sıçrayış yaşayıb. Belə ki, 2002-ci ildə bu ölkədə futbolçular istisna olmaqla, 278 min idmançı var idisə, bu ilin əvvəlinədək müvafiq göstərici 17 milyon 640 min olub. Lisenziyalı idmançıların sayı 7,1, aktiv idmançıların sayı isə 4,5 milyonu ötüb.
Eyni zamanda, beynəlxalq yarışlar üzrə 2002-ci ildə 1 481 medala sahib olan Türkiyə 2020-ci ildə 1 832, 2021-ci ildə 4 min 418, 2024-cü ildə 9 min 747 medal qazanıb.
AZƏRTAC xəbər verir ki, ilk dəfə Türkiyədə qurulan Olimpiadaya Hazırlıq Mərkəzləri hazırda ölkənin 25 şəhərində fəaliyyət göstərir. Bu mərkəzlərdə 1 279 idmançı olimpiadalara hazırlaşır. İdmançı Təhsil Mərkəzlərinin sayı isə 28-dən 61-ə yüksəlib və həmin mərkəzlərdə 4 min 148 idmançı təhsil alır.
Ölkədə 2017-ci ildən tətbiq olunan “İdman İstedadı Yoxlaması” çərçivəsində indiyədək 9,1 milyon şagird yoxlanılıb. Onlardan 456 mini idmana yönləndirilib.
Bölmənin digər xəbərləri
