TÜRKİYƏDƏ SÜRƏT QATARININ QƏZAYA UĞRAMASINDA MAŞİNİST TƏQSİRKAR BİLİNİR

27.07.2004 [15:47]
Çap et
A⁺ A^-

AZƏRTAC-ın Ankaradan aldığı xəbərdə deyilir ki, Türkiyə dəmir yollarının (TDY) rəhbərliyi İstanbuldan paytaxta gedən sürət qatarının qəzaya uğramasına görə məsuliyyəti maşinistin üzərinə qoymuşdur. TDY komissiyasının məruzəsində belə nəticə çıxarılmışdır. Komissiyanın işində bir sıra Avropa ölkələrinin mütəxəssisləri də iştirak etmişlər.

Həm yerli, həm də əcnəbi mütəxəssislər belə qənaətə gəlmişlər ki, qatarın qəzaya uğramasının əsas təqsirkarı lokomotivin maşinistidir. O, bütün təlimatları pozaraq, döngədə qatarı saatda 118 kilometr sürətlə sürmüşdür. Halbuki belə yerlərdə qatarın sürəti saatda 80 kilometrdən artıq olmamalıdır.

Komissiyanın işinin yekunlarına dair rəsmi rəy yaxın günlərdə açıqlanacaqdır.

Xatırladaq ki, iyulun 22-də Sakarya vilayətində baş vermiş və ölkənin bütün tarixi ərzində ən ağır sayılan dəmir yol qəzasında 36 nəfər həlak olmuş, 70-dən çox adam yaralanmışdır.

TÜRKİYƏDƏ SÜRƏT QATARININ QƏZAYA UĞRAMASINDA MAŞİNİST TƏQSİRKAR BİLİNİR

MÜƏLLİFLƏ ƏLAQƏ

Bölmənin digər xəbərləri