Türkiyədə xəstəxanada baş verən yanğın nəticəsində xəsarət alan daha bir nəfər dünyasını dəyişib
İstanbul, 21 dekabr, AZƏRTAC
Türkiyənin Qaziantep vilayətində “SANKO” universitet xəstəxanasında baş verən yanğın nəticəsində xəsarət alan daha bir nəfər dünyasını dəyişib. Bununla da hadisə nəticəsində ölənlərin sayı 12-yə çatıb.
AZƏRTAC xəbər verir ki, hadisədən sonra xəsarət alan daha beş nəfər müalicə aldığı xəstəxanada həyatını itirib.
Xatırladaq ki, hadisə dekabrın 19-da xəstəxananın reanimasiya şöbəsinin COVID-19 xəstələrinin müalicə aldığı bölməsində baş verib. Yanğına oksigen cihazının partlaması səbəb olub. Hazırda yanğın zamanı xəsarət alan daha altı nəfərin müalicəsi davam etdirilir.
Xəstəxanada müalicə alan digər xəstələr başqa tibb müəssisələrinə köçürülüblər.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
