Türkiyədə Yeni il şənlikləri keçirilməyəcək
Ankara, 22 dekabr, AZƏRTAC
Koronavirus (COVID-19) infeksiyası riski ilə əlaqədar olaraq Türkiyə ərazisində Yeni il mərasimləri və bayram şənlikləri keçirilməyəcək.
AZƏRTAC xəbər verir ki, bu barədə Türkiyə Daxili İşlər Nazirliyi tərəfindən vilayət rəhbərlərinə müvafiq təlimat göndərilib. Bildirilir ki, otellər, qonaq evləri və digər mərasim yerlərində kütləvi bayram tədbirləri keçirilə bilməz.
Qeyd edək ki, hökumətin riskləri azaltmaq məqsədilə tətbiq etdiyi həftəsonu “Evdə qal!” rejimi dekabrın 31-də saat 21:00-da qüvvəyə minərək 2021-ci il yanvarın 4-də saat 5:00-dək davam edəcək. Əhaliyə tövsiyə edilir ki, Yeni ilin qarşılaması və bayramlaşma ailələr daxilində dar çərçivədə keçirilsin.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
