Türkiyənin Bursa şəhəri IV Dünya Köçəri Oyunlarına tam hazırdır

Bursa, 29 sentyabr, AZƏRTAC

Türkiyənin Bursa vilayətinin İznik rayonu IV Dünya Köçəri Oyunlarına ev sahibliyi etmək üçün bütün təşkilati işləri başa çatdırıb.

AZƏRTAC xəbər verir ki, Azərbaycanın da geniş tərkibdə iştirak edəcəyi IV Dünya Köçəri Oyunları yenidən dünyanın diqqətini qardaş Türkiyəyə yönəldib.

Ən son məlumata görə sentyabrın 29-da başlayacaq oyunların təntənəli bağlanış mərasimi oktyabrın 2-də keçiriləcək.

Xatırladaq ki, Bursa 2022-ci ildə türk dünyasının mədəniyyət paytaxtı olduğu üçün IV Dünya Köçəri Oyunları özünə daha böyük cəlbedicilik yaradıb.

Azərbaycan bu oyunlarda idmançılarının gücünü nümayiş etdirməklə bərabər, mədəniyyət nümunələrini nümayiş etdirmək fürsəti də qazanıb.

Sabir Şahtaxtı

AZƏRTAC-ın xüsusi müxbiri

Bursa

MÜƏLLİFLƏ ƏLAQƏ