TÜRKMƏNİSTAN GƏLƏN İL RUSİYAYA 30, UKRAYNAYA 40 MİLYARD KUBMETR TƏBİİ QAZ SATACAQDIR
AZƏRTAC-ın xüsusi müxbiri xəbər verir ki, Aşqabadda səfərdə olan Rusiyanın “Qazprom” Şirkəti idarə heyətinin sədri Aleksey Miller Türkmənistan Prezidenti Saparmurad Niyazovla görüşdükdən sonra 2006-cı ildə Rusiyaya təbii qaz satışına dair saziş imzalamışlar. Sazişə əsasən, Türkmənistan gələn il Rusiyaya hər min kubmetri 65 dollardan olmaqla 30 milyard kubmetr təbii qaz satacaq ki, bunun da 15 milyard kubmetri ilin birinci rübünün payına düşür.
Mərasimdən sonra Saparmurad Niyazov bildirmişdir ki, neft sahəsində əməkdaşlığın genişləndirilməsi ilə bağlı müzakirələr apardıq və birgə müəssisələr yaratmaq haqqında razılığa gəldik. Dövlət başçısı daha sonra qeyd etmişdir ki, biz bu günlərdə bir az aşağı qiymətə Ukraynaya 2006-cı ildə 40 milyard kubmetr təbii qaz satışına dair saziş imzalamışıq.
Bölmənin digər xəbərləri
