TÜRKMƏNİSTANDA “RUHNAMƏ” UNİVERSİTETİ YARADILACAQ
AZƏRTAC-ın xüsusi müxbiri xəbər verir ki, Türkmənistan Prezidenti Saparmurad Niyazovun “Ruhnamə” kitabının şərəfinə Aşqabadda eyniadlı universitet tikiləcəkdir. 2010-cu ildə istifadəyə veriləcək yeni tədris müəssisəsinə ildə 3 minədək tələbə qəbul ediləcəkdir. Burada humanitar və dəqiq elmlər tədris ediləcək, ədəbiyyata geniş yer ayrılacaqdır.
Xatırladaq ki, Türkmənistan vətəndaşlarının müqəddəs kitabı sayılan “Ruhnamə” “türkmənlərin mənəvi konstitusiyası” adlanır. Ölkənin hər bir vətəndaşı bu kitabı oxuyub öyrənməlidir.
Türkmənistan Prezidentinin ikicildlik “Ruhnamə”dən əlavə, beş şeirlər və hekayələr kitabı da cap edilmişdir.
Bölmənin digər xəbərləri
