ÜÇ YOL-NƏQLİYYAT QƏZASINDA ALTI NƏFƏR ÖLMÜŞDÜR

26.10.2006 [22:11]
Çap et
A⁺ A^-

AZƏRTAC xəbər verir ki, Bakı-Yevlax yolunun Göyçay rayonu ərazisindən keçən hissəsində ağır yol-nəqliyyat qəzası baş vermişdir. İsmixan Nəsirovun sürdüyü “VAZ-2121” və Ənhar Nəsirovun idarə etdiyi “VAZ-2106” markalı avtomaşınlar toqquşmuşdur. Nəticədə Ə.Nəsirov və sərnişinləri Çingiz Həmidov, Ayaz Məlikov, Azər Musayev hadisə yerində ölmüş, xəsarət almış İ.Nəsirov isə xəstəxanaya yerləşdirilmişdir.

Bakının Nizami rayonunun ərazisində Allahverən Şirinovun “Mersedes” və Elman Əliyevin “VAZ-21010” markalı avtomaşınları toqquşmuşdur. Hər iki sürcü və sərnişinlər - Rövşən Hüseynov, Xalid Rüstəmov xəstəxanaya yerləşdirilmişlər. E.Əliyev orada dünyasını dəyişmiş, digər 3 nəfərin vəziyyəti isə orta ağırdır.

İmişli-Qaradonlu yolunda isə Xalid Quliyevin “VAZ-2106” markalı avtomaşını ilə Şamil Hüseynovun idarə etdiyi “MTZ-80” markalı traktorun toqquşması “Jiquli” sürücüsünün ölümünə, 4 nəfərin isə xəsarət almasına səbəb olmuşdur.

Hadisələrlə bağlı cinayət işi açılmışdır, təhqiqat aparılır.

ÜÇ YOL-NƏQLİYYAT QƏZASINDA ALTI NƏFƏR ÖLMÜŞDÜR

MÜƏLLİFLƏ ƏLAQƏ

Bölmənin digər xəbərləri