“Uğur yolu” müsabiqəsinin qalibləri ilə görüş keçirilib
Bakı, 24 dekabr, AZƏRTAC
İqtisadiyyat nazirinin birinci müavini Elnur Əliyev “Uğur yolu” karyera inkişafı proqramının builki qalibləri və ötən il keçirilən ilk müsabiqədə müvəffəqiyyət qazanan əməkdaşlarla görüşüb.
Nazirlikdən AZƏRTAC-a bildirilib ki, iqtisadiyyat nazirinin birinci müavini “Uğur yolu” karyera inkişafı proqramının qaliblərini təbrik edib, müsabiqənin şəxsi və karyera inkişafı üçün yaratdığı imkanları vurğulayıb, qazanılan bilik və bacarıqların onların gələcək fəaliyyətində önəmini qeyd edib.
Ötən il keçirilmiş ilk müsabiqənin qalibləri “Uğur yolu”nun əhəmiyyəti, karyera inkişaf proqramı çərçivəsində iştirak etdikləri tədbirlər, öyrənilən təcrübə barədə fikirlərini bölüşüblər. Sonda iştirakçıların sualları cavablandırılıb.
Bölmənin digər xəbərləri
