Ukrayna Ankarada keçiriləcək NATO sammitinə hazırlaşır
Kiyev, 26 iyun, AZƏRTAC
NATO sammitinə hazırlaşan Ukrayna əsasən hava hücumundan müdafiənin gücləndirilməsinə və birgə anti-ballistik raket layihələrinin hazırlanmasına diqqət yetirir.
AZƏRTAC xəbər verir ki, bunu Ukrayna Prezidenti Volodimir Zelenski video müraciətində açıqlayıb.
"İyun və iyul aylarında tərəfdaşlarımızla görüşlər və kommunikasiyalar barədə diplomatlarla ətraflı müzakirə etdik. Hər şey məhsuldar olmalıdır", - deyə o qeyd edib.
Zelenski hökumət rəsmilərinin bir çox ikitərəfli görüşlərin keçiriləcəyi Ankarada keçiriləcək NATO sammitinə hazırlaşdıqlarını vurğulayıb.
"Hava hücumundan müdafiəmizin gücləndirilməsi bizim əsas prioritetimizdir. Ukrayna üçün anti-ballistik raketlər və sistemlər, Avropa ilə birgə anti-ballistik raket istehsalı layihəsi — bizə real nəticələr lazımdır", - deyə Zelenski vurğulayıb.
Prezident Ukraynaya anti-ballistik raketlərin istehsalında kömək edən liderlərə və ölkələrə təşəkkür edib.
Vladimir Zelenski Ukrayna və tərəfdaş ölkələrin təhlükəsizlik və müdafiə sahəsində daha sıx əməkdaşlığa ehtiyac duyduğunu bildirib və tərəfdaşları 7-8 iyul tarixlərində Ankarada keçiriləcək NATO sammiti üçün güclü qərarlar hazırlamağa çağırıb.
Bölmənin digər xəbərləri
