Ukrayna Silahlı Qüvvələri: Rusiya qoşunları Sumı vilayətində bir neçə qəsəbəni tutub
Kiyev, 20 aprel, AZƏRTAC
Rusiya ordusu Sumıdan uzaqdadır. O, Sumı vilayətinin sərhədində bir neçə yaşayış məntəqəsini ələ keçirməyə nail olub.
Bu barədə AZƏRTAC Ukraynanın Birgə Qüvvələr Komandanlığının Teleqram səhifəsinə istinadən xəbər verir.
Komandanlıq bildirib ki, Sumı vilayətində Ukrayna ərazisinin dərinliyinə nüfuz etmək üçün aylarla davam edən cəhdlərindən sonra Rusiya qoşunları birbaşa sərhəddə bir neçə qəsəbəni ələ keçirməyə nail olublar.
“Beləliklə, sərhəd nəzarət zonası 3-4 kilometrə qədər dərinlikdədir, Sumı şəhəri isə buradan 35 kilometrdən çox məsafədə yerləşir”, - deyə məlumatda deyilir.
Hərbçilər şəhərin şərqdən mühasirəyə alınması perspektivlərini qiymətləndirərkən, bu məlumatları nəzərə almağa çağırıblar.
Komandanlıq, həmçinin qeyd edib ki, Ukrayna ərazilərinə doğru hücumlarının qarşısı alınır.
Bölmənin digər xəbərləri
