Ukraynada hərbi vəziyyət və səfərbərlik müddəti yenidən uzadılacaq
Kiyev, 12 yanvar, AZƏRTAC
Ukrayna Prezidenti Volodimir Zelenski hərbi vəziyyət və ümumi səfərbərliyin daha 90 gün uzadılmasını nəzərdə tutan qanun layihələrini Ali Radaya təqdim edib.
AZƏRTAC xəbər verir ki, sənədlərdə Ukraynada hərbi vəziyyət və səfərbərliyin 3 fevral 2026-cı il saat 05:30-dan 3 may 2026-cı ilə qədər daha 90 gün uzadılması təklif olunur.
Qanun layihələri artıq baxılması üçün Ali Radaya təqdim edilib. Təsdiqlənərsə, Ukraynada mövcud təhlükəsizlik tədbirləri və səfərbərlik prosesləri davam edəcək.
Beləliklə, parlamentin səsverməsindən sonra bu, Rusiyanın 2022-ci ilin fevral ayında tammiqyaslı işğalının başlanğıcından bəri analoji hüquqi rejimin 18-ci dəfə uzadılması olacaq.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
