UKRAYNANIN SƏNAYE SİYASƏTİ NAZİRİ BAKIYA GƏLMİŞDİR

22.06.2004 [22:58]
Çap et
A⁺ A^-

AZƏRTAC xəbər verir ki, Ukraynanın sənaye siyasəti naziri Aleksandr Neustroyev başda olmaqla, bu ölkənin nümayəndə heyəti iyunun 22-də Bakıya gəlmişdir.

Ukrayna nümayəndə heyətinin başçısı Heydər Əliyev adına beynəlxalq hava limanında jurnalistlərin suallarına cavabında bildirmişdir ki, Azərbaycan Prezidenti İlham Əliyevin onun ölkəsinə səfəri zamanı iqtisadi sahədə əməkdaşlığa dair bir sıra sənədlər imzalanmışdır. Azərbaycan nümayəndə heyətinin üzvləri Ukrayna aviasiya sənayesinin məhsulları ilə tanış olmuşlar. Azərbaycan kiçik aviasiyasını inkişaf etdirir, ona görə də yeni təyyarələrin alınmasında maraqlıdır. Səfərin başlıca məqsədlərindən biri Kiyevdə imzalanmış sazişlərin gerçəkləşdirilməsidir.

Nazirin sözlərinə görə, Bakıda Azərbaycanın Ukrayna təyyarələrini alması barədə sənədin imzalanması nəzərdə tutulur.