Uşaq və yeniyetmələrdə onkoloji xəstəliklərin müalicəsinin Xidmətlər Zərfinə daxil edilməsi məqsədilə layihə hazırlanır
Bakı, 9 dekabr, AZƏRTAC
Əhalinin real gəlirlərinin artımı və sosial rifahının yaxşılaşdırılması üçün 2026-cı ilin dövlət büdcəsində cəmi sosialyönlü xərclər 17,1 milyard manat nəzərdə tutulur (xərclərin 41 faizi).
AZƏRTAC xəbər verir ki, bunu Baş nazir Əli Əsədov dekabrın 9-da Milli Məclisin plenar iclasında çıxışı zamanı deyib.
Baş nazir bildirib ki, növbəti ilin dövlət büdcəsində təhsilin və innovativ inkişafın dəstəklənməsi üçün təhsil və elm xərclərinə 5,2 milyard manatdan çox vəsait ayrılacaq (xərclərin 12,6 faizi). Əhalinin sağlamlığı, keyfiyyətli səhiyyə xidmətləri və dərman vasitələri üçün səhiyyə xərclərinə 2 milyard manatdan çox vəsait nəzərdə tutulur (xərclərin 4,9 faizi). İcbari tibbi sığorta çərçivəsində - 2026-cı ildən ürək-damar, 2028-ci ildən mədə-bağırsaq və 2029-cu ildən tənəffüs sistemi xəstəliklərinin ambulator müalicəsi üçün dərman vasitələrinin sığorta ödənişləri həyata keçiriləcək. Eyni zamanda, uşaq və yeniyetmələrdə onkoloji xəstəliklərin müalicəsinin 2027-ci ildən başlayaraq Xidmətlər Zərfinə daxil edilməsi məqsədilə layihə hazırlanır.
Bölmənin digər xəbərləri
