ÜST Uqandaya 2 min dozadan çox Ebola sınaq vaksini bağışlayıb
Bakı, 3 fevral, AZƏRTAC
Ümumdünya Səhiyyə Təşkilatı (ÜST) Kampalada tibb işçisinin ölümünə səbəb olan Ebola virusuyla mübarizədə peyvəndin effektivliyini qiymətləndirmək üçün Uqandaya 2 min dozadan çox Ebola sınaq vaksini bağışlayıb.
AZƏRTAC Ümumdünya Səhiyyə Təşkilatının rəsmi saytına istinadla xəbər verir ki, peyvənd sınağının məqsədi peyvəndi qiymətləndirmək, effektiv olarsa, epidemiyanın dayandırılmasına və gələcəkdə risk altında olan populyasiyaların qorunmasına töhfə verməkdir.
Qeyd edək ki, Uqandada Eboladan əvvəlki SVD epidemiyası 2022-ci ilin sentyabrında başlayıb və 2023-cü ilin yanvarında sona çatıb. Bu, ölkədə 164 yoluxma hadisəsi və 77 ölümlə nəticələnib.
Bölmənin digər xəbərləri
