Valensiyada yanğın nəticəsində 4 nəfər ölüb, 19 nəfər itkin düşüb
Bakı, 23 fevral, AZƏRTAC
İspaniyanın üçüncü böyük şəhəri olan Valensiyada şəhər mərkəzinin kənarındakı Campanar məhəlləsində 14 mərtəbəli iki yaşayış binasında baş verən yanğın nəticəsində dörd nəfər ölüb.
AZƏRTAC “LBC news” radiostansiyasına istinadla xəbər verir ki, hadisə yerinə gələn yanğınsöndürənlər kran vasitəsilə iki sakini eyvanlardan sağ çıxara biliblər.
Yerli hakimiyyət orqanlarının məlumatına görə, yanğın nəticəsində 14 nəfər, o cümlədən altı yanğınsöndürən yaralanıb, 19 nəfər isə itkin düşüb.
Yaralananların əksəriyyəti sınıq və yanıq xəsarətləri alıb və tüstüdən zəhərlənib. Xilasetmə xidməti ölənlərin sayının artacağını istisna etmir.
Bölmənin digər xəbərləri
