VEN SZYABAO: QADAĞALAR NÜVƏ PROBLEMİNİ HƏLL EDƏ BİLMƏZ
O demişdir: “Məqsədimiz problemlərin birdəfəlik və dincliklə nizama salınmasından ibarətdir. Buna isə qadağalarla nail olmaq heç vaxt mümkün deyildir. Onlar əks-nəticə verəcəkdir”. Onun sözlərinə görə, tərəflərin hamısı qadağaların tətbiqi məsələsində son dərəcə ehtiyatlı olmalıdır.
Baş nazir Koreya yarımadasında vəziyyəti qiymətləndirərək, onu “olduqca həssas” adlandırmış və vurğulamışdır ki, bütün tərəflər təmkinli və soyuqqanlı olmalı, vəziyyəti pisləşdirə biləcək heç bir addım atmamalıdır.
Ven Szyabao demişdir: “İranın nüvə probleminin dincliklə həlli Yaxın Şərqdə vəziyyətin gərginliyini götürməyə, bütün dünyada sülhə və sabitliyə kömək edəcəkdir. Bu, bütün tərəflərin mənafelərinə cavab verən ən yaxşı seçimdir. Biz İranın və Koreya yarımdasının nüvə problemlərinin dincliklə nizama salınması məsələsində Avropa İttifaqının bütün nümayəndələri ilə sıx əməkdaşlıq etməyə və məsləhətləşmələr keçirməyə hazırıq”.
Xatırladaq ki, Ven Szyabao sentyabrın 9-da xarici ölkələrə səfərə yollanır. O, Finlandiya, Tacikistan, Böyük Britaniya və Almaniyada olacaqdır. Helsinkidə Szyabao doqquzuncu Çin-Avropa İttifaqı zirvə toplantısında və Asiya-Avropa görüşünün altıncı iclasında iştirak edəcəkdir.
Bölmənin digər xəbərləri
