Venesuela ölkənin müxtəlif yerlərində baş vermiş partlayışlara görə ABŞ-ı ittiham edir
Vaşinqton, 3 yanvar, AZƏRTAC
Venesuelanının paytaxtı Karakasda bir neçə partlayış baş verib.
AZƏRTAC-ın məlumatına görə, bu barədə xəbər yayan CNN şəhərin bəzi ərazilərində elektrik enerjisinin kəsildiyini bildirib. İlk partlayış yerli vaxtla təxminən saat 01:50-də qeydə alınıb. Tüstünün Venesuelanın Müdafiə Nazirliyinin qərargahının yerləşdiyi Fort Tiuna yaxınlığından qalxdığı deyilir. Partlayışın səbəbi hələlik məlum deyil.
“Associated Press” azı 7 partlayışın baş verdiyini və alçaqdan uçan təyyarə səslərinin eşidildiyini yazır.
Venesuela hökuməti ABŞ-ı ölkənin ştatlarına hücum etməkdə ittiham edib.
Hücumlardan sonra Prezident Nikolas Maduro ölkədə fövqəladə vəziyyət elan edib və bütün milli müdafiə planlarının uyğun vaxtda və uyğun şəraitdə həyata keçirilməsini əmr edib.
Ağ ev və Pentaqon hadisə ilə bağlı hələlik heç bir şərh verməyib.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
