“Vətən və din müdafiəçisinin əxlaq kodeksi” mövzusunda tədbir
Bakı, 21 iyun, AZƏRTAC
İyunun 21-də Müdafiə Nazirliyinin Qusar rayonunda yerləşən “N” saylı hərbi hissəsində “Vətən və din müdafiəçisinin əxlaq kodeksi” mövzusunda tədbir keçirilib.
AZƏRTAC xəbər verir ki, tədbirdə Dini Qurumlarla İş üzrə Dövlət Komitəsinin (DQİDK) Quba bölgəsi üzrə şöbəsinin əməkdaşları Fərid Məmmədov, Mehman Məmmədov, Qafqaz Müsəlmanları İdarəsinin (QMİ) Qusar rayonu üzrə səlahiyyətli nümayəndəsi Fəryəddin Rəhimxanov, hərbi hissə komandirinin Qərargah rəisi Yusif Nağıyev, hərbi hissə komandirinin müavini Osmanbəy Rəcəbov, eləcə də şəxsi heyət iştirak edib.
Çıxışçılar tarixən xalqımız və dövlətimizin Vətən və din uğrunda apardıqları mübarizədən, mənəvi və dini dəyərlərimizin vətənpərvərlik ruhunun yüksəldiməsindəki əhəmiyyətindən bəhs ediblər. Vətənpərvərlik ruhun yüksəldilməsi üçün belə tədbirlərin keçirilməsinin vacibliyi iştirakçıların diqqətinə çatdırılıb.
Sonda DQİDK tərəfindən hazırlanan “Heydər Əliyev və azərbaycançılıq” filmi nümayiş olunub.
Bölmənin digər xəbərləri
