Vətənə xəyanətdə ittiham olunan Ruhulla Zam edam edilib
Tehran, 12 dekabr, AZƏRTAC
Xarici dövlətlərdə gizlənərək İran əleyhinə əsassız təbliğat aparan “Amad news” teleqram kanalın rəhbəri Ruhulla Zam bu gün edam edilib.
AZƏRTAC İranın dövlət televiziyasına istinadən xəbər verir ki, R.Zam İran İslam İnqilabı Keşikçiləri Korpusu (Sepah) tərəfindən xaricdə həbs edilərək ölkəyə gətirilib. Məhkəmə araşdırması zamanı onun bütün cinayətləri sübuta yetirilib, özü isə törətdiyi qanunsuz əməlləri etiraf edib.
İranın dövlət televiziyası bildirib ki, xarici dövlətlərin xüsusi xidmət orqanları tərəfindən idarə onunan R.Zam İrana və rəsmi şəxslərə qarşı yalan və iftira yayaraq ictimaiyyəti çaşdırmağa çalışıb. Onun fəaliyyəti İranın beynəlxalq imicinə zərbə vurmaqla yanaşı, düşmənlərə yaxından köməklik göstərib.
R. Zam vətənə xəyanətdə ittiham edilib və asılaraq edam olunub.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
