“Vətənin tərənnümü” etüd rəsm müsabiqəsinin yekun sərgisi açılıb
Bakı, 13 oktyabr, AZƏRTAC
Oktyabrın 13-də Bakı Xətai Sənət Mərkəzinin elan etdiyi “Vətənin tərənnümü” adlı etüd rəsm müsabiqəsinin yekun sərgisi açılıb.
AZƏRTAC xəbər verir ki, Mədəniyyət və Turizm Nazirliyi, Azərbaycan Dövlət Rəsm Qalereyası və Xətai Sənət Mərkəzinin birgə təşkilatçılığı ilə keçirilən sərgidə 15 yaşdan yuxarı fırça ustalarının əsərləri yer alıb.
Tədbirdə məlumat verilib ki, eyniadlı müsabiqəyə respublikanın hər yerindən olmaqla 150-dək fırça ustası 330-dək işlə qatılıb. İştirakçılar arasında vətənpərvərlik ruhunun inkişaf etdirilməsi məqsədi daşıyan müsabiqənin mövzusu sərbəst olub. Müsabiqəyə hər rəssam üç sənət əsəri təqdim edib. Sərgidə isə 40-dan çox rəssamın 80-dək işi nümayiş edilib.
Tədbirdə çıxış edənlər sərginin əhəmiyyətindən, ekspozisiyada nümayiş etdirilən sənət əsərlərinin mükəmməlliyindən söz açıblar.
Sonda qaliblər diplomla təltif edilib.
Sərgi oktyabrın 16-dək davam edəcək.
Bölmənin digər xəbərləri
