Vitali Kliçko: Bakı şəhərində həyata keçirilən layihələri Kiyevdə tətbiq edirik
Kiyev, 24 may, AZƏRTAC
Bakı şəhərində həyata keçirilən layihələri öyrənirik və bunu Kiyevdə tətbiq edirik.
AZƏRTAC xəbər verir ki, bu fikri jurnalistlərə açıqlamasında Kiyev şəhərinin meri Vitali Kliçko söyləyib.
Onun sözlərinə görə, Kiyevdə səfərdə olan Bakı şəhər İcra Hakimiyyətinin başçısı Eldar Əzizovla da bu istiqamətdə müzakirələr aparılıb.
Azərbaycan və Ukrayna arasında əməkdaşlığın inkişafına verdiyi töhfəyə görə Prezident İlham Əliyevə təşəkkürünü bildirən Kiyev meri qeyd edib ki, hər iki ölkənin iş adamlarının qarşılıqlı investisiya yatırımı üçün birgə işləri davam etdirilir.
V.Kliçko bildirib ki, hər bir paytaxt ölkənin simasıdır. Azərbaycan şirkətləri Ukraynanın ürəyi hesab edilən Kiyevin gözəlləşməsi üçün keyfiyyətli işlər həyata keçirirlər.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
